सोमबार, २८ असार २०७२
एउटै रोलनम्बरका दुई परीक्षार्थी
काठमाडौं २८ असार / शिक्षक सेवा आयोगले सञ्चालन गरेको निमावि तहको परीक्षामा एउटै रोलनम्बरबाट दुई जनाले परीक्षा दिएका छन् ।
पश्चिमाञ्चल विकास क्षेत्रको बुटबलबाट निमावि तहमा खुला र महिला कोटाबाट परीक्षा दिएका आकृति पाण्डे र गीता अर्यालको एउटै नम्बरबाट परीक्षा लिएको पाइएको हो ।
दुबै परीक्षार्थीले परीक्षा सकिएपछि मात्रै एउटै रोलनम्बर भएको जानकारी पाएका थिए ।
निमाविका हकमा पाण्डे र अर्यायल दुबै जनाले ११२०२०२७३ रोलनम्बरबाट परीक्षा दिएका हुन् । शिक्षक सेवा आयोगले एउटै नम्बर दिएपछि परीक्षार्थी समेत अन्यौलमा परेका छन् ।
दुबै परीक्षार्थीको एउटै तह, एउटै समूह र एउटै विज्ञापन नम्बर रहेको छ । शनिबार रुपन्देहीको सैनामैना उच्च मावि परीक्षा केन्द्रमा अंग्रेजी बिषयको परीक्षा सकेपछि उनीहरुको एउटै नम्बर भएको जानकारी पाएका हुन् ।
पाण्डे अर्घाखाचीको मोरङ गाबिस र अर्यायल कपिलबस्तुको बाणगंगा नगरपालिकाका बासिन्दा हुन् ।
रोलनम्बर दोहोरिनु सामान्य त्रुटी भएको र यसले परीक्षार्थीलाई कुनै समस्या नपर्ने शिक्षक सेवा आयोगका प्रमुख प्रशासकीय अधिकृत लक्ष्मीराम पौडेलले बताए ।
आजको नया पत्रिका दैनिकमा यो खबर छापिएको छ ।
प्रतिक्रिया