काठमाडौ - राष्ट्रिय स्वतन्त्र पार्टि (रास्वपा) का नेता सस्मित पोखरेल नयाँ शिक्षामन्त्री नियुक्त भएका छन् । राष्ट्रपति कार्यालय, शीतल निवासमा शुक्रबार आयोजित शपथ ग्रहण समारोहमा राष्ट्रपति रामचन्द्र पौडेलबाट अन्य मन्त्रीसँगै उनले पनि पद तथा गोपनीयताको सपथ लिएका हुन् । उनलाई युवा तथा खेलकुद मन्त्रालयको समेत जिम्मेवारी तोकिएको छ । मन्त्रालयको संख्या घटाउने रास्वपाको नीति अनुसार अहिले भएका विभिन्न २२ मन्त्रालयमा प्रधानमन्त्री बालेन्द्र शाह सहित १५ जना मन्त्रीलाई बाँडफाँट गरी जिम्मेवारी तोकिएको छ ।

यस अघि प्रधानमन्त्री शाहलाई राष्ट्रपति पौडेलले सपथ खुवाएका थिए ।

जेन जी बिद्रोहको जगमा भएको निर्वाचनको म्याण्डेड अनुसार नयाँ सरकार गठन भएको हो । उक्त बिद्रोहका बेला प्रधानमन्त्री रहेका एमालेका अध्यक्ष केपी ओलीले भने सपथ ग्रहण समारोह वहिष्कार गरे । अन्य पूर्व प्रधानमन्त्रीहरु मध्ये पुष्पकमल दाहाल, माधवकुमार नेपाल, झलनाथ खनाल र डा. बाबुराम भट्टराई कार्यक्रममा सहभागी भए पनि उनी भएनन् । अन्तरिम सरकारका प्रमुख पूर्व प्रधानन्यायाधीश खिलराज रेग्मी पनि समारोहमा सहभागी थिए । निर्वाचन अघिनै विदेश हानिएका अर्का पूर्व प्रधानमन्त्री शेरबहादुर देउवा  भने अहिले सम्म स्वदेश फर्किएका छैनन् । 

नयाँ मन्त्रीमण्डल यस प्रकार छ 

• बालेन्द्र शाह - प्रधानमन्त्री रक्षा तथा उद्योग वाणिज्य तथा आपूर्ति

• डा. स्वर्णिम वाग्ले - अर्थ

• सुदन गुरुङ - गृह 

• शिशिर खनाल - परराष्ट्र  

• सुनिल लम्साल - भौतिक पूर्वाधार तथा यातायात र शहरी विकास

• विराजभक्त श्रेष्ठ - ऊर्जा, जलस्रोत तथा सिँचाई

• खडक पौडेल (गनेस) - संस्कृति, पर्यटन तथा नागरिक उड्डयन 

• सस्मित पोखरेल - शिक्षा, विज्ञान तथा प्रविधि र युवा तथा खेलकुद

•  निशा मेहता - स्वास्थ्य तथा जनसङ्ख्या र खानेपानी 

• डा. विक्रम तिमल्सिना - सञ्चार तथा सूचना प्रविधि 

• प्रतिभा रावल - भूमि, व्यवस्था, सहकारी तथा गरिबी निवारण र संघीय मामिला तथा सामान्य प्रशासन

• सोविता गौतम  - कानुन, न्याय तथा संसदीय मामिला

• गीता चौधरी - कृषि तथा पशुपक्षी विकास तथा वन तथा वातावरण  

• दीपक साह - श्रम रोजगार 

• सीता बादी - महिला, बालबालिका तथा ज्येष्ठ नागरिक