मंगलबार, ०९ माघ २०८०
![यी हुन त्रिविका उपकुलपतिका उम्मेदवार [सुुची सहित]](https://www.edukhabar.com/media/news/midwest-_LaIcrYaCUw.jpg)
काठमाडौं-त्रिभुवन विश्वविद्यालयको उपकुलपतिको लागि दुई महिला सहित ४३ जनाले दर्खास्त दिएका छन् । उनीहरुले बुझाएको कागजको आधारमा ३० नम्बर स्वतः पाउछन भने बाँकी ७० नम्बर अन्तरवार्ता र प्रस्तुतीबाट पाउने छन् । शिक्षा विज्ञान तथा प्रविधि मन्त्रीको संयोजकत्वमा त्रिभुवन विश्वविद्यालयका उपकुलपति छनौट समिति गठन भएको छ । समितिले पुस २३ मा उपकुलपतिको लागि विज्ञापन गरेको थियो । उपकुलपतिको लागि पहिलो पटक यसरी खुला प्रतिष्पर्धा भएको हो ।
दर्खास्त दिनेमा त्रिभुवन विश्वविद्यालयका पूर्व उपकुलपति समेत भइसकेको प्रा. तीर्थ खनिया, खुला विश्वविद्यालयका पूर्व उपकुलपति प्रा. लेखनाथ पौडेलले आवेदन दिएका छन् । त्यस्तै मध्यपश्चिम विश्वविद्यालयका बहालवाला उपकुलपति प्रा. नन्दबहादुर सिंहले समेत त्रिविको उपकुलपतिमा दर्खास्त दिएका छन् । पोखरा विश्वविद्यालयका पूर्व उपकुलपति प्रा. केसर जङ्ग बरालले पनि उपकुलपतिमा आवेदन दिएका छन् । त्रिविका पूर्व र बहालवाला पदाधिकारी पनि उपकुलपतिको प्रतिस्पर्धामा उत्रिएका छन् । कार्यवाहक उपकुलपति प्रा. शिवलाल भुसाल, मानविकी संकायकी डीन प्रा. कुसुम शाक्य, पूर्व रजिस्ट्रार एवं राष्ट्रिय परीक्षा बोर्डका अध्यक्ष प्रा. चन्द्रमणि पौडेल, इन्जिनियरिङका पूर्व डीन त्रिरत्न बज्राचार्यले पनि त्रिवि उपकुलपतिको लागि आवेदन दिएका छन् ।
उपकुलपतिको लागि आवेदन दिनेको सुची
प्रतिक्रिया