काठमाडौं - कांग्रेस सांसद बद्री पाण्डेले त्रिवि उपकुलपतिको सर्टलिष्टमा परेका मध्ये विवादित व्यक्तिलाई अघि बढाउनु अघि विचार गर्न आग्रह गरेका छन् । 

उपकुलपछि छनोट समितिले अहिले अंकभारको आधारमा सर्टलिष्टमा परेका व्यक्तिको नाम आएकोले यसलाई रोक्ने भन्दा पनि उनीहरुमाथि ‘विचार’ गरेर अघि बढ्नुको बिकल्प नभएको उनले बताए । 

‘आवेदन माग गरेपछि मेरिटोक्रेसीमा जानुको विकल्प छैन । मापदण्ड जाँच गर्दा विसडमको प्रयोग हुदैँन । सिफारिस समितिले तीन जनाको नाम सिफारिस गरेपछि  १ जनालाई प्रधानमन्त्रीले छान्न सक्नुहुन्छ,’उनले भने,‘अहिले यो काम ब्युरोक्रेसी तिर गएको छ । ब्युरोक्रेसीले मापदण्ड हेर्ने भयो । लोकसेवाको सिष्टमका गइसक्यो ।’ 

अब सच्याउने आधार भनेको ब्युरोक्रेटिक अंकभारको बाटोमा विचार गर्ने मात्रै भएको उनले बताए । 

‘सर्टलिष्टमा परेको व्यक्ति भ्रष्टाचार गरेको छ भने विवेक प्रयोग गर्नुस् भन्ने हो । प्रस्तुतीमा हुन सक्छ । अन्तरवार्तामा हेर्ने हो कि कहाँ हो उनीहरु माथि विवेक प्रयोग गर्नुपर्छ,’पाण्डेले भने । 

प्रधानमन्त्री एवं विश्वविद्यालयका कुलपतिलाई पनि समितिमा बोलाएर सुझाव दिनु पर्ने उनले बताए ।