काठमाडौं -  देशभर अस्थायी शिक्षकको संख्या २६ हजार १ सय १४ रहेको छ । नयाँ शिक्षा ऐनले अस्थायी शिक्षक ब्यवस्थापनको नीति अख्तियार गरेसंगै शिक्षा विभागले तथ्याङ्क संकलन गरेर अद्यावधिक गरेको हो ।

एडुखबरलाई प्राप्त विभागको पछिल्लो तथ्याङ्क अनुसार सबै भन्दा धेरै प्राथमिक विद्यालय तहमा मात्रै १८ हजार ६ सय ८२ अस्थायी शिक्षक छन् ।  यी मध्ये सबै भन्दा धरै अस्थायी शिक्षकको नियुक्ति २०४९ साल पुस २० गते देखि ०६१ साल साउन २१ गते सम्म भएको हो ।

अस्थायी शिक्षक ब्यवस्थापन तीन तहका आधारमा गर्ने ऐनले गरेको ब्यवस्था अनुसार  विभागले यो अवधि सहित २०४९ साल भन्दा अघि र २०६१ साल देखि संविधान जारी हुनु भन्दा अघिल्लो दिन अर्थात् २०७२ असोज २ गते सम्म नियुक्त भएका शिक्षकको लगत संकलन गरी अद्यावधिक गरेको हो ।

जस अनुसार निम्न माध्यमिक तहमा ४ हजार ९ र माध्यमिक तहमा ३ हजार ४ सय २३ अस्थायी शिक्षक रहेका छन् ।

विकास क्षेत्रका आधारमा हेर्ने हो भने सबै भन्दा धेरै पश्चिमाञ्चलमा ७ हजार २ सय १२, मध्यमाञ्चलमा ६ हजार ८ सय ६२, पूर्वाञ्चलमा ६ हजार १ सय ८९, मध्यमाञ्चलमा ३ हजार ६ सय १० र सुदुरमा २ हजार २ सय ४१ जना अस्थायी शिक्षक रहेको उक्त विवरणमा उल्लेख छ ।  

प्रावि तहमा सबै भन्दा धेरै पश्चिमाञ्चल क्षेत्रमा ५ हजार ६२ अस्थायी शिक्षक छन् । यस्तै मध्यमाञ्चलमा ४ हजार ८ सय ७३ पूर्वाञ्चलमा ४ हजार ५ सय १, मध्यपश्चिममा २ हजार ६ सय ६५ र सुदुरमा १ हजार ५ सय ८१ जना अस्थायी शिक्षक प्राथमिक तहमा रहेका छन् ।

यसैगरी निमावि तहमा सबै भन्दा धेरै मध्यमाञ्चलमा १ हजार ७४, पश्चिमाञ्चलमा १ हजार ५९, पूर्वाञ्चलमा ९ सय ७५, मध्यपश्चिममा ५ सय ३१ र सुदुर पश्चिममा ३ सय ७० अस्थायी शिक्षक रहेका छन् ।
माविमा भने पश्चिमाञ्चलमै सबै भन्दा धेरै १ हजार ९१ जना अस्थायी शिक्षक रहेका छन् । यसैगरी मध्यमाञ्चलमा ९ सय १५, पूर्वाञ्चलमा ७ सय १३, मध्यपश्चिममा ४ सय १४ र सुदुरमा २ सय ९० अस्थायी शिक्षक रहेको विवरण विभागले अद्यावधिक गरेको छ ।

जिल्लागत रुपमा हेर्ने हो भने सबै भन्दा धेरै अस्थायी शिक्षक भएको जिल्ला तनहुँ भएको छ । तनहुँमा प्राविमा मात्रै ६ सय १२ जना अस्थायी शक्षिक छन् । यस्तै प्राविमा सबै भन्दा धेरै अस्थायी शिक्षक भएका पाँच जिल्लामा तनहुँ सहित मोरङ् ५ सय ४९, स्याङ्जा ५ सय ३७, चितवन ५ सय र कास्कि ४ सय ९२ जना छन् ।

यसैगरी निमाविमा धेरै अस्थायी शिक्षक भएका पहिलो पाँच जिल्ला मध्ये काठमाडौं १ सय ९६, स्याङ्जा १ सय १६, तनहुँ १ सय १२ मोरङ् १ सय ४ र कास्कि १ सय ३ जना छन् । माविमा काठमाडौंमा ३ सय ९६, काभ्रे ३ सय ६५, खोटाङ् र भोजपुर ३ सय ६४ ईलाम ३ सय १५ र पाँचथरमा ३ सय १० जना अस्थायी शक्षिक रहेका छन् ।

कुन जिल्लामा कति अस्थायी शिक्षक ?