काठमाडौँ– नेपाल शिक्षक महासंघको आन्तरिक विवाद नमिलेपछि एमाले निकट शिक्षक संगठनलाई ११ पद छुट्टाएर अध्यक्षमा लक्ष्मी किशोर सुवेदी चयन भएका छन्  । संगठनले दोस्रो महाधिवेशन बहिस्कार गरेर वार्ता गर्दा पनि नमिलेपछि अरू १४ वटा घटक मिलेर नयाँ कार्यसमिति घोषणा गरेका हुन् । 

संगठनको भागमा उपाध्यक्ष १, महासचिव १, उपमहासचिव १, सचिव १ र सदस्य ६ गरी ११ जनाको पद खाली राखिएको छ ।

सह अध्यक्षमा नानु माया पराजुली, उपाध्यक्षमा गंगा पौडेल, जयानन्द ठाकुर, हरेन्द्र प्रसाद चौरसिया, पुष्पराज कुँवर, विक्रम झा, देवीदत्त पौडेल चुनिएका छन् । उपमहासचिव अर्थमा मदनराज जोशीलाई ल्याइएको छ । त्यसैगरी उपमहासचिव गुरु प्रसाद पौडेल र पुष्कर सापकोटा बनेका छन् ।

महासंघको सचिवमा कल्पना पनेरु, केशव राज रेग्मी, अर्जुन नगरकोटी, जगदीश शाह, लालबाबु प्रसाद जोशी, हरि प्रसाद जोशी र सुरेश शाह सोमार चुनिएका छन् । जिल्ला अधिवेशन एकलौटी गरेको,  महासंघको दोस्रो महाधिवेशन वैधानिक नभएको एमाले शिक्षक संगठनका नेता एवं पूर्व अध्यक्ष कमला तुलाधरले बताइन ।